Daşma hovuz

Daşma hovuz — texnologiya və estetikanın vəhdəti

Daşma hovuz, skimmer hovuzlarla müqayisədə daha mürəkkəb və texnoloji cəhətdən inkişaf etmiş model sayılır.

Bu hovuzların əsas iş prinsipi ondadır ki, su kənarlardan daşaraq xüsusi kanallara axır, oradan isə qum filtrasiyası və kimyəvi təmizləmə sistemlərindən keçərək yenidən hovuza qayıdır.
Beləliklə, su daim hərəkətdə olur və həmişə təmiz və şəffaf qalır.

Bu tip hovuzlarda dövriyyə və filtrasiya sistemi daha mürəkkəbdir. Buna görə də daşma hovuzun tikintisi peşəkar yanaşma və dəqiqlik tələb edir.

Dizayn və status

Dizayn baxımından daşma hovuzlar daha cəlbedici görünür.
Suyun səthi sanki hovuza tam uyğun gəlir və kənarlardan sakit şəkildə axır. Bu vizual effekt daşma hovuzlara xüsusi zəriflik və status qazandırır.
Ona görə də bu tip hovuzlar çox vaxt premium sinif villalar, lüks bağ evləri və yüksək səviyyəli yaşayış məkanları üçün seçilir.

Belə hovuzların tikinti xərcləri skimmer hovuzlardan bir qədər yüksəkdir, lakin həm görünüş, həm də texniki keyfiyyət baxımından fərqi aydın şəkildə hiss olunur.

Çox vaxt daşma hovuzlara cakuzi də quraşdırılır — bu həm rahatlığı, həm də hovuzun ümumi dəyərini artırır.
Qiymətə təsir edən digər amil isə texniki otağın (filtrasiya və təmizləmə sistemlərinin yerləşdiyi hissə) mövcudluğudur.

Daşma hovuz tikintisi – möhkəm beton konstruksiya

İstənilən hovuzun əsası monolit, armaturla möhkəmləndirilmiş beton çanaqdır.

Məhz bu hissə hovuzun davamlılığını və etibarlılığını təmin edir.
Zaman keçdikcə mozaika və ya kafel örtüyünü dəyişmək, yaxud hidroizolyasiyanı yeniləmək mümkündür.
Amma hovuzun beton əsası tikinti zamanı mütləq yüksək keyfiyyətdə olmalıdır.

Daşma hovuzların tikintisində yüksək dəqiqlik vacibdir.
Bu dəqiqlik sayəsində su bütün istiqamətlərdən eyni səviyyədə daşaraq filtrasiya sisteminə daxil olur, təmizlənir və yenidən hovuza qayıdır.
Hovuz səviyyəsindəki fərqlər minimum olmalıdır ki, su hər tərəfdən bərabər şəkildə axaraq dövriyyəni təmin etsin.

Materialların keyfiyyəti — uzunömürlü hovuzun açarı

Daşma hovuz tikintisində biz həmişə müştərilərimizə yüksək keyfiyyətli materiallardan istifadə etməyi tövsiyə edirik.
Bunun bir neçə vacib səbəbi var:

1. Bu, hovuz sahibinin statusuna və layihənin səviyyəsinə uyğundur.

2. Bahalı hovuz tikib, ucuz materiallardan istifadə etmək məntiqli deyil.

3. Əgər büdcəniz məhduddursa, skimmer hovuz sizin üçün daha münasib seçim ola bilər.

4. Keyfiyyətli materiallar — uzunömürlü və problemsiz istismar deməkdir.

Vacib məsləhət

Bizim sizə tövsiyəmiz — hovuzun üzlüyü və materiallarının seçilməsində şəxsən iştirak edin.
Bu prosesi tam şəkildə ustalara həvalə etməyin.
Belə olduqda siz həm keyfiyyətə nəzarət edə, həm də istədiyiniz nəticəni əldə edə bilərsiniz.

Aşağıdakı məqamlara diqqət edin:

• Mozaikanın keyfiyyəti, rəngi və naxışı.

• Nərdivanın (əgər varsa) möhkəmliyi və materialı.

• Əgər layihədə cakuzi nəzərdə tutulubsa, mütəxəssislə birlikdə sizin üçün ən uyğun forsunkaları və su mühərriklərini seçin.

Texniki otaq — sistemin ürəyi

Daşma hovuzun texniki otağı hovuzun yanında, kənarında, arxasında və ya hətta hovuzun altında yerləşə bilər.
Əgər texniki otaq hovuzun altında inşa edilirsə, bu halda layihənin dəyəri bir qədər artır.
Çünki hovuzun beton əsası həm suyun, həm də aşağıda yerləşən otağın yükünü daşımalıdır.

Bu isə daha güclü armatur və əlavə dayaqların quraşdırılmasını tələb edir. Nəticədə tikinti daha mürəkkəb olur, lakin hovuzun etibarlılığı və ömrü dəfələrlə artır.